SYNOD CALENDAR | DOWNLOAD | NOTIFICATIONS | GUEST HOUSE | SYNOD BOOKROOM | ARTICLES/SERMON |COUNSELLING |  PRAYER REQUEST | PICTURE GALLERY |LETTERS


 
Latest News
Comm./Dept./Boards/Profiles
Periodicals
Audio/Visual
Synod Choir
Media Ministry
Links
Booklets
FM Radio Hruaina Eng
 
 

 

Ram venghimtu sipai chi hrang hrangte tan

Synod Hmangaihna Ina thawktute leh nau hnuchhamte tan

Siliguri Mission Field-a thawktute leh Kohhrante tan


 
Get the Flash Player to see this player.

RAMTHAR BOARD COMMITTEE VAWI 143-NA

Nimin leh vawiin (Oct. 25 & 26) khan Synod Office-a JM Lloyd Hall-ah Synod Ramthar Board Committee vawi 143-na an thu.

Committee hi Rev. Thangzauva, Moderator-in a kaihruai a, hming lam a nih zawhah secretary reports ngaihthlak a ni. He meeting-ah hian mi 80 zet an kal.

Ramthar Board Committee meeting vawi 143-na hian thu pawimawh tak tak 77 an rel a. Chung zinga langsar zualte chu - Home Mission South-a High School din, Orissa rama rawngbawlna kal zel dan tur leh a ram miten Mizo Synod zawm an dilna chungchang, MTC hming thlak chungchang, MTC Recruitment, Rohmingthangi Memorial School sak, Field Worker hlawh tihpun, Kolkata khawpuia hmun zawn, Recognised Hospital atana AMRI Hospital rawtna, Kathmandu-a ram lei, Kalimpong-a ram lei, Tripura hmathlir, SEND international nena thawhho chungchang, Presbyterian Church of Vietnam nena thawhho chungchang, Cambodia rama hma lak, Bial thar paruk hawn rawtna leh 2013-14 Budget Estimate thlirho te an ni.

Synod Ramthar rawngbawlnain hma a sawn chak hle avangin Ramthar kohhran engemaw zatah mahni tawnga Hla bu leh Bible leh thuziak dang neih mamawhna a piang chak hle a, chumi chungchang chu he Board Meeting hian a ngaihtuah nghal bawk.

Kum 2013-2014 Budget thar tur ruahmanna pharh a ni a, Budget tharah hian hmuh tum zat chu Rs. 496,417,175/- (Nuai sangli zakua sawmruk pali singkhat sangsarih za sawmsarih leh panga) a ni a, kum kalta aia a tamna hi Rs. 90,533,675/- (Nuai zakua panga singthum sangthum zaruk sawmsarih panga) a ni.

Secretary report-ah hengte hi tarlan a ni:

1. Synod Mission Board hian Orissa ramah a vawi khatna atan Sept. 24 - Oct. 1, 2012 chhung khan khaw nga (5)-ah Crusade-cum-Medical Outreach programme a hmang.

2. Lucknow Evangelistic Crusade Committee-in an rawn sawm angin Mission Board aiawhin Vaivakawn Kohhran Zaipawl  member 14-te chuan October 5-7, 2012 chhungin Crusade-ah rawngbawlna an zu nei a, haw lamah Kolkatta field chhungah rawngbawlna an nei pah bawk.

3. Kum 2012 Ramthar Presbytery hmun 6-ah hmanpui turin mi 12 an kal chhuak.

4. Diphu, Karbi Anglong-a Presbyterian Mission School hming atan Assam Board-in phalna a peka an hming "Presbyterian Mission High School" tih hman zui tura pawm a ni.

5. Missionary Training College recognition pek dan tur en fiahin Oct. 19, 2012 khan Rev. Dr. Ravi Tiwari, Registrar, Senate of Serampore leh Rev. Jacob P. Thomas te an lo kal a, MTC hmasawn dan chu ropui an ti hle.

 

 

 

Share
There are 0 comments to this post
 


 Register
Kids Corner
TELEPHONE DIRECTORY


  Hits:   2222036


Synfo © 2006 : All rights reserved. Mizoram Presbyterian Church Synod : Best @ 1024x768