CHHIM BIAL KOHHRAN HRUAITUTE INTAWHKHAWM NEI

March 15 – 17, 2019 khan kum tina tihdan thin angin Chhim Working Committee buatsaihin Mizoram Presbyterian Kohhran Chhim Bial Kohhran Hruaitute Inthawkhawm 2019 chu Lunglei Electric Veng Kohhranah neih a ni a, chhim lama Kohhran leh Bial aiawh hruaitute leh Pastor/ Pro Pastor leh Minister-te mi 201 an lai an kal thei a ni. Heng bakah hian Intawhkhawm chhimtu mi thahnem tak an awm bakah Lunglei khaw chhung Pastor Bial Zaipawlte leh Presbyterian Choir, Lunglei te an zai thei bawk.

He Intawhkhawmah hian zan lamah Speaker Rev. Vanlalbela chuan Pathian thuchah a sawi thin a, a tan zan hian Rev. John Raldosanga, Administrative Secretary, Chhim Bial chuan Pathian thuchah a sawi bawk. March 16 (Inrinni) chhunah khan Seminar neiin Resource Person atan Rev. Vanlalbela hi hman nghal a ni a, chawhnu lamah kohhran hmasawnna tur leh hruaitute tihtur pawimawh hrang hrangte sawihona hun tha tak hman a ni a, tlaiah chawhlui kilho nghal a ni.

He Hruaitute Inthawhkhawm Report atanga a lan dan chuan Chhim Bialah hian Pastor Bial 24 a awm a, chu chu Presbytery 5-ah then niin Kohhran 114 leh Branch Church 27 an awm mek a. Dan Zawh Kim hi 13523 awm mekin chhungkua hi 4733 an awm mek a, Kohhran member zawng zawng hi 21065 an awm mek bawk a ni. Kum 2017 – 18 chhung khan Chhim Bial atang hian Rs.511,55,793/- lai Synod-ah chhun luh a ni bawk. Chhim Bialah hian Pastor 25 leh Minister 2 awmin, Missionary 246 (SMB) leh Masihi Sangati Evangelists 30 leh Fixed Pay Workers 8, an vaiin mi 337 an awm a. Synod Home Mission School hi 18 awmin Primary Level – 11, Middle Level – 5 leh High School Level hi 2 an awm a, Bial/Kohhran mal enkawl hi 14 lai an awm bawk a ni. Heng School-ah te hian zirlai 2933 leh zirtirtu 196 an awm mek.

Chhim Biala Synod Office hi Lungleiah hian a awm a, chu chu Administrative Secretary-in thutchilhin Chhim Bial Pastoral leh Mission hmunte enkawltu leh khaikhawmtu a ni a, heng bakah hian Lunglei khuaah hian Dawmdawi In – John Williams Hospital awmin Doctor – 4, Staff Nurse – 17 leh thawktu dangte nen mi 42 an thawk mek bawk a ni. Family Guidance & Counselling Centre hi 1 awmin Synod Mission Centre Building hi Salem Veng, Lungleiah kan nei bawk a, Synod Complex, Thawktute chenna quarters kan neihte chu Building pawimawh awm mek te an ni bawk.