HEALTH SUNDAY & HOSPITAL SUNDAY 2017

July 2, 2017 (Pathianni) hi Health Sunday & Hospital Sunday (Damdawi In Pathianni) a ni a. Mizoram Presbyterian Kohhran chuan Hospital Sunday hi kum 1928 atang khan a hmang tan a, kum 1981 atang khan July Pathianni hmasa ber hi ni bik atan hman a ni ta a ni.

Kum 1985 Synod Inkhawmpui thu angin 1988 atang khan January Pathianni hnuhnung berah Phâr Pathianni (Leprosy Sunday) hman thin a ni a (Gen. 27). Kum 2004 Synod chuan phâr pual chauh ni lovin natna dangte pawh huamin ‘Health Sunday’ tiin a thlâk ta a (Gen. 3), kum 2006 atang khân Health Sunday hi hman tan a ni.

Kum 2008 Synod-in Health Sunday leh Hospital Sunday hi Pathianni vawi khatah a ruala hman ni se, tia a rel (Gen. 67) angin kum 2010 atang khan Health Sunday leh Hospital Sunday hi a rualin ni khatah hman tan a ni ta a ni.

Kumin 2017 hian Health Sunday pualin chawhnu hun hman a ni ang a. Zan hun chu Hospital Sunday puala hman a ni thung ang a, thilpek lak khawm a ni ang. Thilpek chu Synod Hospital pual a ni ang a, Bial Treasurer kaltlangin Synod Office-ah theh luh tur a ni.

Kumin Health Sunday & Hospital Sunday atan hetiang hian programme duan a ni:

Chawhnu Inkhâwm
Health Sunday Pual
Thupui :
Kala lungte awm (Kydney Stone)
Zan Inkhawm
Hospital Sunday Pual
Thupui : Damna famkim Isua
Chhiar tûr :
Mt 9:35; Mk 1:29-34

Hospital Report 2017 hetah hian dah a ni Click Here