KOHHRAN INPUMKHATNA CHUNGCHANG INZIRTIRNA (SEMINAR) NEIH A NI

Vawiin (July 6, 2018) khan Kohhran Inpumkhatna chungchang Inzirtirna (seminar) thawh khatna Aizawl District huam chhunga Kohhrante tan buatsaih a ni a. Seminar hi Zone pathuma then a ni.

Zone khatna hi Mission Veng Kohhran Hall-ah neih a ni a, Upa R. Dengzikpuia, Synod Secretary (Sr.) -in a kaihruai a, Rev. H. Remthanga, Synod Finance Officer-in paper a chhiar.

Zone hnihna hi Zarkawt Kohhran Hall-ah neih a ni a, Rev. R. Lalnuntluanga, Statistician-in a kaihruai a, Rev. Dr. H. Vanlalauva’n paper a chhiar a, Synod puipa atangin Rev. R. Vanlalnghaka, Secretary (Jr.) a kal bawk.

Zone thumna hi Bawngkawn Kohhran Hall-ah neih a ni a, Rev. P.C Pachhunga, Executive Secretary-in a kaihruai a, Rev. Dr. H. Lalrinthanga’n paper a chhiar a, Synod puipa atangin Rev. B. Sangthanga a kal.

Zone tinah hian Presbytery 3 aiawh leh Pastor Bial 9 atangin Kohhran aiawh mi 2 theuh an kal a, Zone tin huam chhunga Bialtu Pastor, Pro. Pastor leh Minister-te an kal bawk a ni.

Zone tinah hian Presbytery 3 aiawh leh Pastor Bial 9 atangin Kohhran aiawh mi 2 theuh an kal tura sawm an ni a, Zone tin huam chhunga Bialtu Pastor, Pro. Pastor leh Minister-te an kal bawk. Zone 1-ah hian khawpui chhung atangin Kohhran aiawh mi 133 leh khawpui pawn atangin mi 88, an vaiin mi 221 an kal thei a, Zone 2-ah hian khawpui chhung atangin Kohhran aiawh mi 107 leh khawpui pawn atangin mi 96, an vaiin mi 203 an kal a, Zone 3-ah hian khawpui chhung atangin Kohhran aiawh mi 142 leh khawpui pawn atangin mi 86, an vaiin mi 228 an tel thei a ni.