KTP ROREL INKHAWM 2019 (UPDATED)

March 1 – 3, 2019 chhung khan KTP Rorel Inkhawm vawi 8-na chu Tuikual North Kohhran Biak Inah tluang taka neih a ni.

March 1, 2019 (Zirtawpni) zanah Palai lawm leh report inkhawm neih a ni a, inkhawm hi Central KTP Asst. Leader Upa Rosangliana’n a kaihruai a, Rev. K. Lalrinmawia, Executive Secretary incharge KTP-in Kumpuan hawn leh hlanna hun a hmang a, General Secretary report, Finance report leh Bial reports khaikhawmna ngaihthlak a ni. Zaipawl 4 – Mizoram Synod Choir, Sihphir Vengthar Bial, Tlungvel Bial leh Maubawk Bial te an zai bawk.

March 2, 2019 (Inrinni) nilengin Rorel inkhawm neih a ni a, Rorel hi Rev. Dr. K. Lallawmzuala, Central KTP Leader-in a kaihruai a ni. Tun tumah hian General Agenda 15 chhawpchhuah a ni a, Agenda floor-a sawiho lova inhrilhfiah tur engemaw zat a awm bawk. Kum 2019-2020 Central KTP Budget ruahmanna leh Bial Budget ruahmanna te pharh a ni bawk.

Zan lamah Pathian Biak inkhawm neih leh a ni a, Central KTP Committee member Dr. David C. Vanlalfakawma’n a kaihruai a, Synod Moderator Rev. R. Lalhmingthanga hnen atangin Pathian thuchah ngaihthlak a ni. Zaipawl 4 – Mizoram Synod Choir, Durtlang Bial, Sateek Bial leh Presbyterian choir, Lunglei te an zai. Inkhawm banah hian Fellowship neih leh a ni.

March 3, 2019 (Pathianni) chawhmaah Central KTP Treasurer Dr. Lalrotluanga’n inkhawm a kaihruai a, Asst. Leader Upa Rosangliana hnen atangin Pathian thuchah ngaihthlak a ni. Chawhnu inkhawm chu Central KTP Committee member Tv. Robert Lalduhzuala’n a kaihruai a, Rev. B. Sangthanga, Executive Secretary hnen atangin Pathian thuchah ngaihthlak a ni.

Zan Inkhawm chu Fin. Secretary Tual Upa Lalmuanawma’n a kaihruai a, Central KTP Leader Rev. Dr. K. Lallawmzuala hnen atangin Pathian thuchah ngaihthlak a ni. Inkhawm banah fellowship programme a awm leh bawk.

KTP Rorel Inkhawm 2019 Programme Click Here

2018 Bial KTP Report Khaikhawmna
Bial dinhmun tlangpui:
1. Bial awm zat 206 (Report lut zat 206)
2. Member tamna Bial 3
1) Ramhlun North Bial 2308 (Mipa 1357 & Hmeichhia 951)
2) Mission Veng Bial 2289 (Mipa 1250 & Hmeichhia 1039)
3) Khatla Bial 2200 (Mipa 1295 & Hmeichhia 905)
3. Member tlemna Bial 3
1) Buarpui Bial 42
2) Pune Bial 108
3) Vathuampui Bial 120
4. Branch awm zat : 864 (Ram chhungah 817; Ram pawnah 47)
5. Member awm zat : 151283 (Mipa – 93542; Hmeichhia – 57741)
6. Member tamna Branch 3
1) Mission Veng Branch 1520
2) Ramhlun North Branch 1328
3) Chanmari Branch 1232
7. Member tlemna Branch 3
1) Paren Branch (Kohima Bial) 3
2) Sazaikawn Branch (Lunglei Venglai Bial) 7
3) Phairuangkai Branch (Lungsen Bial) 8
8. Member thi zat : 470 (Mipa – 428; Hmeichhia – 42)
9. Member thi awm miah lohna : Bial 70
10. Kristian Thalai la tam Bial 3
1) Republic Veng Bial 1016
2) Electric Veng Bial 1014
3) Mission Veng Bial 892
11. Nupui/pasal nei zawng zawng : 3541
1) Biak In-a innei zat : 1538
2) Hmun danga innei zat : 2003
11. Bial hminga sum thawkchhuak tam Bial 3
1) Maubawk Bial (Rs.15,56,101/-)
2) Darlawn Bial (Rs.968290/-)
3) Dawrpui Vengthar Bial (Rs.8,80,972/-)
12. Branch sum thawkchhuah tamna Bial 3
1) Dawrpui Vengthar Branch (Rs.61,58,445/-)
2) Khatla Branch (Rs.60,48,631/-)
3) Mission Veng Branch (Rs.58,10,974/-)
13. Bial hminga missionary chawm zat : 403
14. Branch-in missionary a chawm zat : 3023
15. Bial leh Branch Missionary chawm zat belhkhawm : 3426
16. Ram puma Thawhtan zan KTP member inkhawm zat : 33744.92 (22.31%)
17. Member inkhawm thatna Bial 3-te :
1) Shillong Bial 54.51%
2) Lungsen Bial 46.77%
3) Kohima Bial 43.72%

Tun dinhmunah KTP-ah hian Bial 206 awmin Branch 864 a awm a, Member mipa 93542 leh hmeichhia 57741 nen member zawng zawng hi 151283 an ni.

Rorel Inkhawma thurel te :

1. Kum 2021-a KTP Rorel Inkhawm thlengtu atan Chaltlang Kohhran chu pawm a ni a, a hun atan March 5-7, 2021 ruat a ni.
2. Youth Recreation Centre (YRC) pualin budget a ngai anga kalpui leh ni se tih a ni a, Aizawl khawpui chhung tan member pakhatah Rs.50/- zel, District Headquarter dangah Rs. 30/- zel leh hmun dang zawng tan Rs. 20/- zel chu pek chhunzawm tura rel a ni.
3. Youth Recreation Centre (YRC) pualin KTP inkhawm tum khat thawhlawm lak khawm leh ni se tih a ni.
2. Kum 2019-2020 chhungin thupui zir leh tha tih a ni a, rawtna lût te atangin CKTP Committee-in thupui zir tur leh zir zat tur ruahmanna lo siam rawh se tih a ni.
3. Kum 2019 chhungin KTP inkhawm tum khat thawhlawm Hospital Charity Fund pualin lak khawm ni rawh se, tih chu pawm a ni.
4. Chhawmdawlna pualin KTP inkhawm tum khat thawhlawm lak khawm ni rawh se tih a ni bawk.
5. Kum 2019 chhungin CKTP-in ruihhlo ngaite pualin ram pum huapin tawngtai rual buatsaih leh rawh se, tih chu pawm a ni.
6. CKTP hmalaknain HIV/AIDS darh zau zel tur venna’n Poster/Billboard tar leh Awareness Campaign te neih ni rawh se.
7. Thalaite zingah Print Media-in ngaihhlut a hlawh lehzual theihna’n CKTP-in hma la rawh se.
8. CKTP-in ram leh hnam, tawng humhalh leh vawn him a nih zel theih na’n hma la rawh se.
9. CKTP hmalaknain Chhim Bial huap Musical Meet neih ni rawh se.
10. Kum 2020-2021 kum puan thupui neih leh ni se, tih chu pawm a ni a, rawtna hrang hrang lut atangin CKTP-in lo thlang fel se ti-a rel chu CKTP chuan ngaihtuahin “Pathian Hnaih (Jakoba 4:8)” tih chu thlan a ni.
11. Kum 2019-2020 chhunga CKTP budget atan Rs. 69,26,000/- chu pawm a ni.

Central KTP-in kumpuan ‘Kristian Nun Takna’ behchhana Short Film (10 minutes) intihsiak result puan a ni a, Rev. K. Lalrinmawia, Executive Secretary i/c K|P in lawmman te hi a hlan a ni. Lawmman dawngtu te chu :
Pakhatna – Champhai Bethel Bial (Rs. 30,000/- & Citation)
Pahnihna – Bungkawn Bial (Rs. 20,000/- & Citation)
Pathumna – Tanhril Bial (Rs. 10,000/- & Citation)