LUNGLEI EAST & WEST PRESBYTERY PUALIN RAMTHAR PUAL SEMINAR NEIH A NI

Jan. 20, 2018 (Inrinni) khan Lunglei Chanmari Kohhranah Lunglei East & West Presbytery huam chhunga kohhran hruaitu, Bial Kohhran Hmeichhia leh Bial KTP OB te leh Bial Ramthar Hruaitute tan Synod Mission Board bul tumin Ramthar pual Seminar neih a ni a, palai 120 chuang lai an kal khawm a ni.

He hun hmanpui hian Aizawl atangin Campaigner Rev. Vanlalbela, Upa PC Zairemmawia, BEC Member leh Upa RK Ramherliana, Asst Prof. MTC te an kal. Session khatna Chawhma lamah ‘Synod Mission Board hma lakna’ tih thu Rev. B. Sangthanga ziak chu zirho a ni a. Session hnihna chawhnu lamah ‘Synod Mission Board leh kohhran thawhhona & inlaichinna’ tih thu Rev. Lalchhuanmawia ziah chu zirho a ni bawk. Sawihona hun tha tak neih a ni bawk a palai kalte chuan hlawkthlak an ti hle a ni. He Seminar neih chhung hian zan lamah khawchhung Kohhran hrang hrangah in sem darh in Ramthar Campaign neih nghal a ni.