MISSIONARY ORIENTATION TRAINING KHARNA LEH TIRHCHHUAH INKHAWM

Vawiin (Feb. 2, 2018) chawhma dar 10 khan Synod Mission Board hnuai-a thawk tur Missionary lak tharte tana Missionary Pre-Service Orientation Training neih mek  chu Mission Veng Kohhran Hall-ah kharna hun hman a ni.

He kharna hun hi Rev. Vanlalrova Khiangte, Principal, Missionary Training College in a kaihruai a, Rev. B. Sangthanga, Executive Secretary, i/c Mission,etc in thuchah a sawi a, Missionary lak tharte aiawh leh Synod Mission Board hotute atangin thutawi ngaihthlak a ni a. Special item missionary lak tharte atangin ngaihthlak a ni bawk.

Missionary lak thar te hi mi 69 an ni a, January 10, 2018 atang khan Mission Veng Kohhran Hall-ah Orientation training hi an nei a. He orientation training-ah hian an rawngbawl dan tur kal hmang te, an awmna tur chanchin te leh thil pawimawh hrang hrangte an zir a ni.

Tun Pathianni (Feb. 4, 2018) chhawhnu inkhawmah heng Missionary lak thar mi 69 te hi Chawnpui Kohhran Biak Inah tirhchhuahna neih a ni ang.

Missionary Tirhchhuah inkhawm Programme
A hmun
: Chawnpui Kohhran Biak In
A hun : February 4, 2018 (Pathianni), Chawhnu 1:30

Chairman : Rev. K. Lalrinmawia, Secretary, Synod Mission Board
Tanna : Chairman
Hla sakho : Aw, khawiah nge an awm, Lal hna thawktu (KHB No. 392)
Inhmelhriattirna : Dr. Robert S. Halliday, Coordinator, Synod Mission Board
Zaipawl : Mizoram Synod Choir
Tirhchhuahna & Thuchah : Rev. F. Lalrinnunga, Moderator, Mizoram Synod
Zaipawl : Synod Mission Choir
Thusawi tawi : Tirhchhuahte aiawh
Tawngtaisakna : Rev. B. Sangthanga, Executive Secretary, i/c Mission etc.
Hla sakho : Lalpa, i rawngbawla min koh hi (KHB No. 399)
Banna : Chairman kutah

Note : Kum 2018-a Pension-a chhuak ta Missionary-te hnenah citation hlan a ni bawk ang.