MISSIONARY ORIENTATION TRAINING NEI MEK

Synod Mission Board chuan Missionary a lâk thar te pualin Jan. 9 – 30, 2019 chhûng hian Mission Vêng Kohhran Hall-ah Orientation Training a buatsaih mek a, training-ah hian Missionary hna thawk thar tûr ten an rawngbâwlna hmun an pan hmaa an hriat tûr chi hrang hrang leh rawngbawlna tura thil tul leh tangkai tak tak te mi thiam hrang hrang ten an zirtîr a ni.

Orientation training an neih zawh hnu hian tirhchhuahna neih leh tur a ni a, tirhchhuah hnuah chuan an awmna tur theuh an pan tawh dawn a ni. Missionary lak thar te hi mipa 32 leh hmeichhia 54, an vaiin 86 an ni.