MIZORAM SYNOD CHOIR-TE’N INTERNATIONAL CHORAL FESTIVAL 2019, WALES-AH LAWMMAN LA

April 20, 2019 khan International Choral Festival Wales, 2019 neih a ni a, he intihsiakah hian ram hrang hrang 4 atangin Zaipawl thlan bik 7 an tel a, heng zingah hian Mizoram Synod Choir pawh an tel a ni.

Mizoram Synod Choir hi Open Category-ah pakhatna niin Silver Award (80 – 90pts) an dawng a, lawmman pawisa fai Pound 200.00 an dawng bawk. Mix category-ah hian Cordydd, Wales pakhatna an ni a, Gold Award (90 – 100 pts) dawngin lawmman pawisa fai £ 200 an dawng bawk. Category tina titha zual te tana inelna “Choir of Choirs” (Overall Champion) zawnna “Final-ah” Cordydd te hi pakhatna niin “Sir Karl Jenkins Trophy” leh pawisa £ 2,000.00 an dawng.

He intihsiak hi Category 3-ah then a ni a, Category tinah hian lawmman (Award) pakhat zel siam a ni.

Mizoram Synod Choir te hi Wales rama Kohhran hrang hranga rawngbawlna neia an zin kual hnuah he intihsiaknaah hian tel ve an ni.

Category hrang hranga mark hmuh zat a zirin Gold, Silver leh Bronze Award siam a ni, hetiangin: Gold Award dawng turin points 90 – 100 hmuh a ngai a, Silver Award dawng turin 80 – 90 hmuh a ngai a, point 80 hnuailam hmu chinin Bronze Award an dawng thung.

Ruahman lawk ang chuan April 29, 2019 (Thawhtanni)-ah Aizawl an rawn thleng ang a, May 2, 2019 (Ningani)-ah Myanmar lamah rawngbawlna nei turin an chhuak leh nghal ang.