PASTOR NUPUI INTAWHKHAWM VAWI 38-NA (2016)

Vawiin (Oct. 11, 2016) khan Pi Zaii Hall, Synod Conference Centre-ah Presbyterian Kohhrana Pastor leh Pro. Pastor nupui Intawhkhawm vawi 38-na neih a ni a, pastor nupui 141 an tel thei a ni. Speaker atan Revd. Chuauthuama an hmang a, thupuiah ‘Pastor Nupui’ tih an hmang.

Chawhma hun hi dar 10:00-ah tan a ni a, Pi Lalnilawmi w/o Rev. H. Lalrinmawia, Synod Moderator in a kaihruai a, Pi Hmingthansangi w/o Rev. Lalhmingmawia, Leitan in hunserh a hmang. Pi Lalroluahi w/o Rev. Lalramliana Pachuau, Senior Executive Secretary-in thupuanna hun hmangin inhmelhriattirna hun a hmang a, Sunna hun hman a ni bawk. Pi Debbie Lalnunhlui w/o Rev. Remlalfaka, MTC zai ngaihthlak a ni a, Revd. Chuauthuama’n ‘Pastor Nupui’ tih thupui hmangin thuchah a sawi.

Chawhnu lam hun chu dar 1:00-ah tan a ni a, Pi Ramluimawii w/o Rev. B. Sangthanga, Executive Secretary in a kaihruai a. Pi Lalchawiveli w/o Rev. Lalramliana, Luangmual West in hunserh a hmang leh a, ATC Pastor Nupuite Group Zai ngaihthlak leh a ni a, hemi hnu Pi Lalnilawmi hnen atangin ‘Darthlalang’ tih ngaihthlak leh a ni. Thusawi ngaihthlak zawh hian Sawi hona neih a ni bawk. Pastor nupuite hian tlai lamah chawhlui an kilho nghal a ni.

Presbyterian Kohhran Pastor Nupuite hian kum tin intawhkhawmna hun an hmang thin a, mithiamte ruaiin thuchah ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh Kohhran tana Nu nih tling an nih theihna tura theih tawpa hma la tura infuihna hun te hman a ni bawk thin.