PASTORAL COMMITTEE (2016-2018) VAWI 2-NA AN THU

Vawiin (Oct. 26, 2016) khan Synod Pastoral Committee 2016 -2018 vawi -2na chu Synod Office-a Lloyd Hall-ah an thu a. Rev. H. Lalrinmawia, Synod Moderatorin kaihhruaiin Synod Secretary, Upa H. Ronghaka’n report a pe.

Secretary chuan Synod Inkhawmpui thurel angin Chhimtawp Presbytery leh Teirei Presbytery hawn a nih thu te, Minister zirna sang zawk zir mi 13 ten an zirlai thataka an zawh thu leh an awmna thar tura an awm kim tawh thu te a report a. Chennai a CSI Centre-ah Church of South India (CSI) nen tangkawpa Pastor Refresher Course buatsaihin kan Pastor 10 an kal thu te leh Pastoral Minsitry Kaihhruaina Bu peih a nih tawh thu te a report bawk. He meetingah hian Presbytery leh Bial thar hawn chungchang te, kum 2017 a Pro. Pastor lak zat tur te, kum 2017 Pastoral Thupui tur te an ngaihtuah a, Presbytery atanga thu lut Pastor Bial siamrem leh Fellowship hming thlak chungchang te, Aizawl Theological College leh Missionary Training College a zirtirtu mamawh belh chungchang te, Pastor thasen report inang tlanga kalpui dan tur te leh Pro. Pastor Course enthat chungchang te an rel bawk.

Tunlai hian Synod Inkhawmpui atana inbuatsaihna atan Board hrang hrang an thu mek hlawm a, nimin lamah Hospital Board an thu a, naktuk ah Education Board ang a, Zirtawpni-ah Synod Literature and Publication Board an thu bawk ang.