PASTRO RETREAT, 2017 NEIH A NI

Presbyterian Church of India, Mizoram Synod hnuaia Pastor Retreat chu May 9 – 12, 2017 chhungin  Aizawl Theological College, Durtlangah neih mek a ni.Presbyterian Church of India, Mizoram Synod hnuaia Pastor Retreat chu May 9 – 12, 2017 chhungin  Aizawl Theological College, Durtlangah neih mek a ni.

Retreat-ah hian Mizoram Synod hnuaia thawk mek, Pastor leh Minister te bakah Pensioner mi 424 an tel thei a, riak lut mi 263 leh lehlang mi 161 an ni.

Retreat tan zan hian Rev. F. Lalchhuanmawia’n inkhawm a kaihruai a, Synod Moderator Rev. Lalzuithanga’n inlawmna thu sawiin Keynote Address a pe. Vawiin (May 10, 2017) khan zing dar 7:00-ah Sermon inkhawm neih a ni a, Rev. Dr. P.B. Lalmalsawma’n a hruai a, Rev. Vanlalzuata’n thuchah a sawi. Chawhma session-ah ‘Inpekna – Mi mal nunah’ tih thupui zir ho a ni a, Rev. Dr. H. Vanlalruata’n a kaihruai a, Rev. Lalsangbera’n thupui hi a zirtir. Chawhnu session-ah ‘Inpekna – Chhungkua leh Kohhranah’ tih thupui zir ho leh a ni a, hruaitu chu Rev. C. Lalramchhana niin Rev. Dr. C. Chawnghmingliana’n a zirtir. Zanin dar 6:00-ah Sermon inkhawm a awm leh ang a, Rev. K. Lalthanliana’n a hruai ang a, Rev. Vanlalzuata’n thuchah a sawi ang. Naktuk (May 11, 2017) zingkar Sermon inkhawmah Rev. F. Lalhmingthanga’n a hruai ang a, Rev. Vanlalzuata’n thuchah a sawi leh ang. Chawhma session-ah ‘Inpekna – Pastoral Ministry vawn himnaah’ tih thupui zir ho a ni ang a, hruaitu Rev. R.C. Lalnghakliana a ni ang a, Rev. H. Remthanga’n thupui a zirtir ang. Chawhnu session chu Pastor te rawngbawlna leh a kaihhnawih chungchanga zawhna leh chhanna (General Discussion) hun atan hman a ni ang. Zanah inthlahna hun hman a ni ang a, Rev. Lalramliana Pachuau, Senior Executive Secretary-in thuchah a sawi ang. Zirtawpni zing dar 8:00-ah Retreat hi a tawp ang.

Pastor Retreat hi kum 1967 atanga hman thin a ni a. Kum 1990 atang khan kum khat kâr danah neih thin a ni. Pastor te tan intuaitharna hun pawimawh anih avangin Pastor leh Pensioner ten an ngai pawimawh em em a ni.