PRAISE ON 2017 FINAL ROUND ZAN KHATNA NEIH A NI

Praise On 2017 Final Round zan khatna chu nizan (Nov. 21, 2017) khan Khatla Kohhran Hall-ah tluang taka neih a ni.

Praise On 2017 hi Synod Information & Publicity Departmenet (Synfo) buatsaih a ni a, Group Zai hmanga intihsiakna niin KTP Branch leh Bial a duh apiang tel theihna a ni. Final Round zan khatna hi Upa Lalrochuanga Pachuau, Synfo Committee Member in hunserh hmangin Pathian hnenah a hlan a, intihsiakna neih zui a ni. Nl. Cindy Lalthanpuii leh Nursery Branch KTP Acapella te an zai bawk. Final Round a intihsiak te chu :
1. Armed Veng Branch/Armed Veng Bial
2. Chawnpui Branch/Chawnpui Bial
3. Chanmari Branch/Chanmari Bial
4. Dam Veng Branch/Venghnuai Bial
5. Dawrpui Vengthar Branch/Dawrpui Vengthar Bial
6. Electric Veng Branch/Electric Veng Bial
7. Govt. Complex Branch/Zonuam Bial
8. Kanan Branch/Vaivakawn Bial
9. Tlangnuam West Branch/Tlangnuam Bial
10. Tuikual North Branch/Tuikual Bial

Final Round zan khatnaah hian Kristian Hla Bu a mi hla thlansa pali zing atangin an duh ber theuh an sa a, hla thlansa te chu :
KHB No 13 “Engkim kan hmuh te hian an fak a che” – by Zosapthara (E. Rowlands)
KHB No. 484 “Vawiin chuan ram nuam tak chanchin” – by EE Hewitt, Rev. Bankuaia-a lehlin
KHB No. 492 “Ram Ni tla ngai lovah chuan” – by JR Clements, R Dinga leh Lalmama lehlin
KHBNo. 585 “Aw Nang kan Lal, kan Pathian” – by Upa Rokunga

Final Round zan hnihna hi November 23, 2017 (Ningani) zanah neih leh tur a ni a, hetah hian mahni hla duh ber sak tur a ni thung ang. November 24, 2017 (Zirtawpni) zanah a kharna leh result puanna hun hman a ni ang.