PRESCOM BOARD MEETING VAWI 163-NA

Vawiin (May 4, 2017) chawhma dar 10:00 khan Synod Office-a J.M. Lloyd Hall-ah Synod PRESCOM Board meeting vawi 163-na a thu a, meeting hi Rev. Lalzuithanga, Synod Moderator-in a kaihruai a ni.Vawiin (May 4, 2017) chawhma dar 10:00 khan Synod Office-a J.M. Lloyd Hall-ah Synod PRESCOM Board meeting vawi 163-na a thu a, meeting hi Rev. Lalzuithanga, Synod Moderator-in a kaihruai a ni.

He meeting hian Presbyterian English School hman tur Hlabu siam thu te, Bookroom Distributors Manual siam thu te, Kawrthah khuaa Synod Bookroom din chungchang te, Kânhmun khuaa Synod Bookroom Branch hawn thu te, Aizawl West huam chhunga Bookroom Branch hawn rawtna te, In sakna leh khawl leina atana sum hmuhna zawn thu te an rel a, Statement of Account an thlirho bawk.

Secretary report ngaihthlak a ni a, Bookroom Bazar Branch, Aizawl hmun LSC chu Land Lease-a let tura hmalak mek a nih thu te, PRESCOM Assistant II atangin PRESCOM Assistant I thawktu 2 leh PRESCOM Assistant III atangin PRESCOM Assistant II-ah thawktu 6 an kaisan thu te, Paper lama an harsatna a la ngai reng thu te, Web Offset khawl thar leh khawla lehkhapuan hlum hlan kaina khawl lei a nih thu te, Bookroom lamin Kohhran mipui tana remchang Special Sale, Mobile Bookshop leh Literature Campaign hmun hrang hrangah a neih thin thu te tarlan a ni.

Kum 2016-2017 Financial Year chhung khan Synod Press hian an Budget Rs. 5,30,40,000/- atangin Rs. 5,95,80,673/- lai an thawk chhuak a, budget khumna hi  Rs. 65,40,673/- a ni. Bookroom lam hian an Budget Rs. 8,80,00,000/- atangin Rs. 13,51,01,541/- an thawk chhuak a, budget khumna hi Rs. 4,71,01,541/- a ni.