PRESCOM DAY VAWI 107-NA

Vawiin (Oct. 1, 2018) khan PRESCOM Day vawi 107-na chu Synod Press-ah lawm a ni a. Kum 2011 khan an department kum 100-na (centenary) pawh an lo lawm tawh a ni.

PRESCOM kan tih hi Presbyterian Communications Department tihna a ni a, unit pathum – GAD, Synod Press leh Synod Bookroom te an ni a, an vaiin mi 100 bawr vel thawktu an awm a ni.

Pu Lalhruaitluanga Ralte, General Manager-in Day lawmna inkhawm a kaihruai a, Upa Vanhela Pachuau, IAS (Rtd.) in fuihna thu tha tak a sawi.

Press Manager Upa Lalthanpara, Bookroom Manager Pu Lalniliana leh Accountant Pi Rosie Lalhmingmawii ten report an pe bawk. PRESCOM Day-ah hian an department atanga upat pension-a chhuakte sawm an ni a, an kal tha hle. Tlaiah zanriah an kilho nghal a ni.