PWF 16th BIENNIAL CONFERENCE

Presbyterian Women Fellowship (PWF) Biennial Conference vwai 16-na chu zanin (Nov. 11, 2016) atang hian tan a ni dawn ta.

Presbyterian Church of India hnuaia Kohhran Hmeichhiate inzawmkhawmna Pawl, Presbyterian Women Fellowship (PWF) Inkhawmpui hi Khatla Presbyterian Kohhranah nghah a ni dawn a, November 13, 2016 (Pathianni) zan thleng a awh ang. PWF Inkhawmpuiah hian tlarau lam thupui atan “Lalpa chu zawng rawh u” (Seek the Lord) [Isaia 55:6) hman a ni ang.

Vawiin (Nov. 11, 2016) khan Nomination Committee leh Standing Committee te an thu a, zanah inkhawmpui hawnna inkhawm a awm ang a, Rev. Lalramliana Pachuau, Senior Executive Secretary, Mizoram Synod-in palaite lo lawmna hun a hmang ang a, Rev. Rolianthanga Lalsim, Administrative Secretry i/c PWF in Inkhawmpui hawnna neiin keynote address a pe ang.

November 12, 2016 (Inrinni) zing dar 7:00-ah Prof. Lalnghakthuami, Aizawl Theological College hovin Bible Study neih a ni ang a, chawhma dar 10:00 atangin Rorel Inkhawm neih a ni ang. Zanah Vantlang Pathian biak Inkhawm a awm ang a, Mrs. Ladbasuk Lyngdoh, Lecturer, John Roberts Theological Seminary-in inkhawmpui thupui hmangin Pathian thuchah a sawi ang.

November 13, 2016 (Pathianni) zingah Synod Moderator Rev. H. Lalrinmawia’n a Sacrament a buatsaih ang a, zanah PCI Moderator Rev. Laldawnglian hruaitu thlan thar te Pathian hnenah hlanin fuihna thuchah a sawi ang. Inkhawmpui chhung hian Mizoram Synod leh Zaipawl ten hla an rem bawk ang.