SEC VAWI 264-NA A THU

Vawiin (Nov. 9, 2016) chawhma dar 10 khan Synod Executive Committee vawi 264-na chu Synod Office-a JM. Lloyd Hall-ah a thu a, member 133 an kal. Committee hi Rev. H. Lalrinmawia, Synod Moderator-in a kaihruai a, Synod Secretary Reports leh Sum lam reports te ngaihthlak a ni.Vawiin (Nov. 9, 2016) chawhma dar 10 khan Synod Executive Committee vawi 264-na chu Synod Office-a JM. Lloyd Hall-ah a thu a, member 133 an kal. Committee hi Rev. H. Lalrinmawia, Synod Moderator-in a kaihruai a, Synod Secretary Reports leh Sum lam reports te ngaihthlak a ni.

Tun tum SEC hian thu ngaihtuah tur 95 zet an nei a, chung zingah chuan Mizoram Synod leh KAPC Synod MoU ennawn chungchang te, PCM nena Partnership ennawn rawtna te, PCI Executive Member pakhat ruat thar tur te, ECM KTP leh CKTP inpalai tawn chungchang te, Synod Trust Committee Handbook siam dilna te, Synod Nomination Committee member ruat chungchang te, Fa pali leh a aia tam neite tanpuina pek chungchang te, Medical Re-imbursement Bill chungchang te, Missionary Evangelist-te fixed TA chungchang te, Central Kohhran Hmeichhe member tihtlem chungchang te, Silchar Mission Compound Biak In revised plan & estimate te, Manipuri Presbyterian Church enkawl dan tur te, Youth Empowerment chungchang te, Ruihhlo ngaite hmun khata dah khawm chungchang te, Synod higher Secondary School behchhana College din chungchang te, Synod hnuaia Institution hrang hranga zirlai leh Trainee-te hamthatna pek dan ennawn thu te, Synod Transit Accommodation, Imphal kalpui zel dan tur chungchang te, PRESCOM General Manager thlan tura nomination siam turte thlanna te, Synod Executive Secretary-te hna chanpual ennawn te, Presbytery hrang hrang atanga thu lut leh Board hrang hrang atanga thu lut inrelbawlna lam khawih thil thahnem tak ngaihtuah a ni bawk ang.

Synod Secretary-in kumin chhunga Synod chet velna langsar zual leh thil tawn hrang hrangte a report a, chung zingah chuan Aizawl Theological Diploma in Clinical Pastoral Counselling (DCPC) zirna hawn thu te, P.C. Girls’ School Hostel hawn thu te, Synod Moderator-in PC Wales General Assembly a hmanpui thu te, Health & Family Welfare Minister leh OM-te inkawmna neih thu te, Serampore College hotuten Missionary Training College an rawn tlawh thu te, Pastoral Ministry Kaihhruaina (Revised & Enlarged) 2016 leh Synod Ramthar Rawngbawl Dan Kaihhruaina (Synod Mission Manual), 2016 te a buin chhuah a nih thu te, Tuihna humhalh chungchanga inrawn khawmna buatsaih thu te, Overseas Missionary Fellowship (OMF) leh OM inkawm thu te, 2015 Synod-in a rel angin Synod Bu chi hniha chhuah a nih thu te, Pastor Refresher Course neih thu te chu a langsar zualte an ni. Synod sum dinhmun tarlan a ni a, kum 2016-2017 Pastoral Budget-ah Rs. 50,67,47,633/- (cheng nuai sangnga sawmruk pasarih leh singli sang sarih zaruk sawmthum pathum) hmuh tawh a ni a, hei hi za zela 53.70 a ni a, Mission Budget-ah Rs. 40,27,45,995/- (Cheng nuai sangli sawmhnih pasarih leh singli sangnga za zakua sawmkua pakua) hmuh tawh a ni a, hei hi za zela 48.89 a ni. Pastoral leh Mission Budget belhkhawm chu Rs. 90,94,93,628/- (Cheng nuai sangkua sawmkua pali leh singkua sangthum zaruk sawmhnih pariat) a ni a, za zela 51.46 hmuh tawh a ni.

SEC hi ruahman lawk ang chuan November 11, 2016 (Zirtawpni) thlenga thu tur an ni a, thurel an zawh hman loh chuan a hun hi pawhsei theih a ni ang.