SEC VAWI 274-NA

September 6 (Ningani) khan Synod Executive Committee (SEC) vawi 274-na chu Synod Moderator Rev. F. Lalrinnunga kaihhuaiin Lloyd Hall-ah an thu.

Synod Secretary (Sr.) Upa R. Dengzikpuian report a pe a, tun tum SEC-ah hian thurel tur chhawpchhuah 18 a awm a, chung zingah chuan Synod Pay Commission Report 2018 thlirhona, Vijayanagar, Arunachal & Assam Field East-a rawngbawlna kalpui zel dan tur, Hmangaihna In Firms & Society register chungchang, Bawngkawn Synod rama Hall lian (Rev. William Williams Building) hman dan tur ruahmanna, Myanmar rama Ramthar rawngbawl dan tur ruahmanna leh Damdawia enkawlna leh puihna dang chungchang te a tel.

Rorel zawhah Beihrual kum 100 tlin (centenary) hriat rengna thuziak (tablet) hawnna programme Synod Office tual zawlah hman nghal a ni. Beihrual Kum 100 tlin hriatrengna thuziak hawn hma-in Synod Secretary (Sr.) Upa R. Dengzikpuian kamkeu-na thu a sawi a, Synod Moderator Rev. F. Lalrinnungan a hawng a ni.