SENIOR DEPARTMENT INKHAWMPUI 2018

September 16, 2018 (Pathianni) hi Naupang Sunday School Department hnuaia Senior Department Inkhawmpui Ni a ni a, Presbyterian Kohhran hnuaia Bial leh Kohhran hrang hrangah Senior Department Inkhawmpui hi hman a ni ang a, Bial thenkhatah chuan inrinni zan atanga nei tan an awm bawk.

Bial Sunday School Committee kut a nih avangin Bial hrang hrangte kalpui dan erawh a dang deuh hret hret hlawm. Bial thenkhatah intihsiak anga kalpui a nih laiin, thenkhatah chuan Speaker te sawma intawhkhawm anga hmangin, Kohhran tin ten Item an nei a, Speaker nei lem lova, Intawhkhawm anga hmang pawh an awm thin bawk.

Report hnuhnung bera tarlan danin MSSU hnuaia Senior Separtment-ah zirtirtu 4,610 leh zirlai 29,676, an vaiin 34,286 an awm a ni.

Tunhma lam chuan Naupang Inkhawmpui leh Senior Department Inkhawmpui hi Bial hrang hrangin an remchan hunah an nei mai thin a, tun hnai deuh atang khan Bial tinte an kal rual theih nan MSSU chuan Sunday School Zirlai Syllabus-ah Naupang leh Senior Inkhawmpui hun tur an ruahman tel ta a ni.