SMTC-IN COMPUTER ZIRZO (BATCH 17-NA) THLAH

Synod Multipurpose Training Centre (SMTC) chuan vawiin (June 28, 2016) chawhnu dar 1:00 khan Certificate in Computer Application (CCA) Course batch 17-na zir chhuakte thlahna inkhawm an hmang a, Pu Lalrinmawia Ralte, Minister i/c Forest, I.T etc. chu Khuallian a ni.

CCA zirzote thlahna inkhawm hi Rev. Vansawma, Programme Director, SMTC-in a kaihruai a, Upa Vanlalhuma, Office Assistant-in report a pe a, Khuallian Pu Lalrinmawia Ralte in zir chhuakte hnenah Certificates leh lawmman semin thu a sawi. Zir chhuakte (trainees) aiawhin Nl. H.K. Laldinpuiin thu a sawi a, Zoremi Ralte a zai bawk.

Synod Multipurpose Training Centre-a Computer (CCA) zirna hi Synod Executive Committee remtih angin October 15, 2007 atanga kalpui tan a ni a. Zir hun chhung hi thla 6 a ni a. Hemi hun chhung hian Rs. 400/- an chawi ve a ni. Ni khatah darkar khat leh a chanve chhung class neih thin a ni a, July 2016 session atang chuan class neih hun chhung hi darkar hnih a ni tawh dawn a ni. SMTC-a computer zirna hi Mizoram sawrkar Higher & Technical Education i a pawmpui a ni.

Tun tuma SMTC Computer course batch 17-na zirchhuakte hi mi 18 an ni a, Computer Course zirna hawn a nih atanga tuna zirchhuakte nen hian mi 368 laiin tha takin an zir chhuak tawh a ni.