SYNOD HOSPITAL BOARD COMMITTEE – 127/2016

Vawiin (Oct. 25, 2016) dar 10:00 am khan Synod Hospital Board Committee meeting vawi 127/2016-na chu J.M. Lloyd Hall, Synod office ah an thu a, member 47 an tel thei a ni.

Meeting hi Synod Moderator Rev. H. Lalrinmawian a kaihruai a, Secretary hnen atangin report ngaihthlak a ni bawk. Tun tum meeting-ah hian kum 2017 -2018 Budget ruahmanna te, thawktu dah ngheh dilna te, Hermon Children’s Home tan concession dilna te, John William Hospital Local Working Committee siam rawtna te, John William Hospital Medical Superintendent leh Sister Incharge ruat chungchang te, Doctor-te Limited Private Practice chungchang te, Nursing College din chungchang te, Hospital Building sak chungchang te, Laboratory Technology zirna hawn rawtna te, Optical Shop leh Benfranklin te thawhho chungchang te, Optometrist post siam dilna te, Shajivi Funding Agency, Mumbai ten Hospital tanpuina pek an duh thu te, High Density Unit siam chungchang te, Aizawl West Area chhunga Clinic hawn rawtna te leh thu pawimawh dang engmaw zat an thlir ho a ni.