SYNOD INKHAWMPUI VAWI 94-NA NEIH MEK A NI

 

Synod Inkhawmpui vawi 94-na chu December 5, 2017 atang khan Bungkawn Kohhran Biak Inah neih tan a ni a, inkhawmpui hi December 10, 2017 (Pathianni) zanah a tiak ang. Synod Inkhawmpui vawi 94-na chu December 5, 2017 atang khan Bungkawn Kohhran Biak Inah neih tan a ni a, inkhawmpui hi December 10, 2017 (Pathianni) zanah a tiak ang.

Kumin Synod Inkhawmpui thlarau lam thupui hi ‘Kohhran – Pathian Chhungkua’ (Ephesi 2:19) a ni a, December 9, 2017 (Inrinni) zanah Rev. Lalbiaknia, Chaltlang-in thlarau lam thupui hmang hian Pathian Thuchah a sawi ang. Kumin 2017 Synod Inkhawmpuia Synod Puipate chu :

Moderator : Rev. F. Lalrinnunga
Secretaries : Rev. Lianhmingthanga Sailo (Sr.), Upa R. Dengzikpuia (Jr.)
Finance Officers : Rev. P.C. Pachhunga, Rev. H. Remthanga
Statistician : Upa Dr. H. Vanlalhluna
Executive Secretaries : Rev. Lalramliana Pachuau, Rev. B. Sangthanga

Synod Inkhawmpui hi kum 2010 atang khan Bial-in an thleng tan a, kum 2010 – ah Dawrpui Pastor Bialin Zarkawt Kohhranah thlengin kum 2011 khan Khatla Bialin Khatla Kohhranah an thleng a, kum 2012 khan Chanmari Bialin Chanmari Kohhranah an thleng leh a, kum 2013 khan Ramhlun North Bialin Ramhlun North Kohhranah an thleng a, kum 2014 khan Mission Vengthlang Bialin Mission Vengthlang Kohhranah an thleng a, kum 2015 khan Tuikual Bialin Tuikual Kohhranah an thleng a, nikum (2016) khan Durtlang Bialin Durtlang Kohhranah an thleng a ni.

December 5, 2017 zan khan Palai lawmna leh report inkhawm neih a ni a, Moderator tang lai Rev. Lalzuithangan palai lawmna thu sawiin kum 2017 chhunga Synod Report a pe bawk.

December 6, 2017 khan Rorel inkhawm tan hmain Moderator kal chhuak Rev. Lalzuithanga’n Moderator thar, Rev. F. Lalrinnunga hnenah Moderator mawhphurhna a hlan a, rorel tan nghal a ni. Synod Rorel inkhawm hi Inrinni thlenga neih tura ruahman a ni a, zan lamah vantlang Pathian biak inkhawm neih thin a ni ang. Pathianni chawhmaah Pastor nemngheh leh Pro Pastor dah ngheh inkhawm a awm ang a, chawhnu lamah Lalpa Zanriah Sacrament inkhawm neih a ni ang a, Synod Moderator Rev. F. Lalrinnunga’n a theh ang. Zan inkhawmah Moderator kal chhuak Rev. Lalzuithanga’n Valedictory Sermon a sawi ang.

Synod Inkhawmpui vawi 94-na ah hian Nomination Committee thu 10, Pastoral 16 leh General Agenda 59 zet ngaihtuah a ni ang. Kumin Synod Inkhawmpuiah hian Pastor nemngheh tur mi 25 (Synod Mission Board hnuaiah mi 5) an awm a, Pro. Pastor hna diltu mi 56 atangin mi 16 lak thar an ni. December 8, 2017 (Zirtawpni) zan thlenga palai in report tawh zat chu mi 2128 an ni.

Kum 2021 Synod Inkhawmpui chu Republic Veng Kohhran Biak Inah, Republic Veng Bialin an thleng ang. Kum 2011 Synod Gen.12-in a rel angin Synod Inkhawmpui thlengtu tur kum thum hma lama lo ruat lawk thin a ni a, ruat lawk tawhte chu – kum 2018-ah Electric Veng Bialin Electric Veng Kohhran Biak In-ah an thleng ang a, kum 2019-ah Mission Veng Bialin Mission Veng Kohhran Biak In-ah an thleng leh ang a, kum 2020-ah Dawrpui Bialin Dawrpui Kohhran Biak In-ah an thleng ang.

Nakkum (2018) Synod Inkhawmpui Moderator tur chu Rev. R. Lalhmingthanga, Mission Veng a ni ang a, Thlarau lam thupui atan ‘I ram lo thleng rawh se’ (Mt. 6:10) thlan a ni a, Rev. Dr. Vanlalnghaka Ralte, ATC a sawi ang.

Kum 2018-a Pastoral Ministry thupui atan “Pathian leh Kohhran tana rinawm” Thup. 2:10 chu thlan a ni. Kum 2018 Synod Inkhawmpuia Puipa turte chu :
Moderator : Rev. R. Lalhmingthanga, Mission Veng
Secretaries : Upa R. Dengzikpuia, (Sr.), Maubawk, Rev. R. Vanlalnghaka (Jr.), Synod Rescue Home
Finance Officers : Rev. P.C. Pachhunga, Rev. H. Remthanga, Mission Veng
Statistician : Rev. R. Lalnuntluanga, Chawnpui
Executive Secretaries : Rev. Lalramliana Pachuau, Rev. B. Sangthanga

Synod 2017 Bulletin 1

Synod 2017 Bulletin 2

Synod 2017 Bulletin 3

 

Synod inkhawmpui tan zan atanga a tawp thlengin vantlang Pathian biak inkhawm te hi Hruaina Eng TV channel-ah live-telecast thin a ni ang.