SYNOD RAMTHAR BOARD COMMITTEE VAWI 166-NA AN THU

Vawiin (May 1, 2019) khan Synod Ramthar Board Committee Vawi 166-na chu Synod Office a J.M. Lloyd Hall-ah an thu a, Commiittee hi Rev. R. Lalhmingthanga, Synod Moderator-in a kaihruai a, Rev. C. Zorammawia, Secretary, Synod Mission Board-in report a pe.

Secretary report-ah hian ruahman lawk anga Field hrang hrang committee thawhkhatna tluang taka neih a nih thu te, Garhwal Mission chu April 7, 2019 khan lak fel niin he Mission-ah hian member 177 (native worker 4) an awm thu leh Garhwal Mission hnuaia St. James Academy-ah zirtirtu pek a nih thu te, kumin January atanga March thla chhungin Field hrang hrangah ringthar 2274 an awm belh thu te ngaihthlak a ni.
Kum 2018-19 Financial Year chhungin budget atan Rs. 94,56,35,000/- dah a ni a, sum hmuh zawng zawng hi Rs. 1,08,81,61,854/- a ni a, budget khumna hi Rs. 14,25,26,854/- a ni. Nikum (2017-2018) sum hmuh khumna chu Rs. 18,09,23,582/- a ni.

Board committee-ah hian Mission Reserve Fund-a sum dah thu te, Field Headquarters sawnna hmun (Jairampur) ngaihtuah nawn leh tura ngenna te, SMB hnuaia permanent/pensionable post ruak hnawhkhah chungchang te leh thil pawimawh chi hrang hrang te an ngaihtuah a ni.