SYNOD SOCIAL FRONT COMMITTEE VAWI 183-NA A THU

Vawiin (May 3, 2017) chawhma dar 10:00 khan Synod Office-a J.M. Lloyd Hall-ah Synod Social Front Committee vawi 183-na a thu a, member 39 an kal a ni.Vawiin (May 3, 2017) chawhma dar 10:00 khan Synod Office-a J.M. Lloyd Hall-ah Synod Social Front Committee vawi 183-na a thu a, member 39 an kal a ni.

Secretary Report atanga a lan danin February 1, 2017 atangin Synod Charity Store chu Tuikhuahtlang atangin Zosaphluia Building, First Floor-ah insawn thlak a nih thu te, Synod Social Front-a Asst. Coordinator Upa Bonny Lalrindika’n thisen cancer avangin February 19, 2019 khan chatuan ram a pan san thu te, Synod Social Front-in HIV/AIDS dona kawnga hma a lakna kawngah Project FHI 360 nen chak zawka hma lak ho zel dan ngaihtuah te, Zuk leh hmuam-a kan fihlim theih nana hmalakna kal zelah kohhrante hnenah Booklet thawn a nih thu leh hemi hmang hian hma la tura ngen nghal a nih thu te, Tuihna humhalh chungchanga hmalakna atan ‘Tuihna humhalh’ bu chhuah pawh Kohhrante hnena thawn a ni a, booklet hmangin a theih anga hma la tura ngen nghal a nih thu te, Tuihna humhalh chungchang Talk Show neih a nih thu te, March 2, 2017 khan Vanapa Hall-ah Political Education Campaign Kick-off buatsaih a nih thu te, Kum Upate inkawmhlimna hmuna hma lakna pawh tluang taka a kal zel thu te, Zu-in Mizote min nghawng dan zirchianna (research) neih a nih thu te, tun hnaiah Political Education Seminar vawi 3 leh Zuk leh hmuam & Tui hna humhalh Seminar vawi 1 siam a nih thu te, Rescue Home-a thawktu thenkhat  te’n Synod Hospital-ah Refresher Course an neih thu te leh November 2016 – April 2017 chhung khan Synod Rescue Home-ah dam lo mipa 94 leh hmeichhia 31, an vaiin 124 admit an nih thu te ngaihthlak a ni.

He Committee hian Political Education Campaign neih dan tur te, Zu-in Mizote min nghawng dan zirchian thu te, Tuihna humhalh leh Zuk leh hmuam do chungchanga hmalak zel dan tur te an ngaihtuah a ni.