Synod Information & Publicity Department (Synfo) chuan March, 2023 chhung hian Kristian naupangte tan Bible Spelling Bee a buatsaih dawn a. Inbuatsaihna leh inhriattirna hun a tam loh avangin Spelling Bee hi Aizawl khawpui chhunga Presbyterian Kohhran Sunday School Junior leh Intermediate Department zirlaite tan buatsaih a ni.
Tel turte chu March 10, 2023 (Zirtawpni) aia tlai lovah Synod Information & Publicity (Synfo) Department, Synod Office Annexe-ah in-report tur a ni a. Hming, Pa hming, Kohhran, Awmna Department, Phone number-te report tur a ni ang.
Bible Spelling Bee-ah hian Holy Bible Mizo (Lushai) - (O.V.) Re-edited '17 hman a ni ang.
He Programme hi Hruaina Eng TV-ah tihchhuah a ni ang a, Synfo Youtube Channel-ah dah a ni bawk ang.