SYNOD BOOKROOM DISTRIBUTORS MEET 2023
June 09, 2023 | NEWS
Vawiin (June 9, 2023) khan Synod Bookroom chuan an lo tih thin angin Synod Bookroom Distributor's Meet 2023 chu Synod Office Committee Room No 2-ah an hmang.
Conference hi zing dar 10:00-ah Pu Vanlaltirha, Stock Supervisor, Synod Bookroom chuan hawngin inlawmna thu a sawi a. Chawhma hunah Pu Lalniliana, Manager, Synod Bookroom chuan Bookroom Distributor bikte sum dinhmun report a pe a. Report atanga a lan danin kum kalta khan Synod Bookroom chuan a pumpuia an Budget Rs. 14,40,00,000 atangin Rs. 21,97,27,814.00/- thawh chhuah a nih thu leh Budget khumna hi Rs. 7,57,27,814/- a nih thu te, nikuma kan thawh chhuah Rs. 10,52,46,865/- la nih thu te sawiin, Synod Bookroom din tan atanga sale tam ber kum a nih thu a sawi.
Pu Lalniliana chuan Synod Bookroom hnuaia Distribution Centers 48 bik ten an budget Rs. 1,78,00,000.00 chu tha taka an khum thu leh an thawhchhuah chu Rs. 3,11,83,720.00 a nih thu sawiin Budget an khumna hi Rs. 1,33,83,720 a nih thu a sawi a. Heti hian Financial Year hmasaa an thawh chhuah chu kumin hian Rs. 1,42,07,852.00-a an khum thu a sawi bawk. Hetiang dinhmun an thleng thei hi Pathian malsawmna leh Distributor tinte thahnemngaih vang a ni tih sawiin, Pathian leh Distributor tinte chungah Headquarters hmingin lawmthu a sawi a, Meet hmasa rawtna awm te tihhlawhtlin a nih dan report a pe nghal bawk. Chawhma hunah tho hian Pu Malsawmdawngliana, Supervisor, Nl. R. Lalremruati, Pu VL Zothanmawia leh Pu Lalchhuanmawia ten thusawina hun an hmang bawk.
Chawhnu lamah Upa H. Ronghaka, General Manager chuan Meet kaihruaiin Mizoram puma Distributor hrang hrangte atangin report leh rawtnate ngaihthlak a ni a. Kum kaltaa Bookroom rawngbawlna hrang hrang thlirletna leh sawizauna neih a ni.
Hemi hnu hian kum kaltaa Synod Bookroom Distributor tha thlanna result puan a niin Upa H. Ronghaka, General Manager, PRESCOM chuan Branch tithate hnenah lawmman a sem a. Tehna ki hrang hrang palia inteh a nih hnuah hetiang hi kum 2022-23 chhunga Synod Bookroom Distributor intehna result chu a ni:-
Pakhatna : Synod Bookroom Sairang Distributor
Pahnihna : Synod Bookroom Zamuang Distributor
Pathumna : Synod Bookroom Darlawn Distributor
Tun dinhmunah Synod Bookroom hian Distribution Centre 48 a nei mek a ni.
