Vawiin (June 21, 2023) khan Presbyterian English School (PES) hnuaia HSLC result tha lawmna, J.M. Lloyd Hall, Synod Office-ah neih a ni.
Programme hi Rev. R. Lalchangliana, Education Board member-in kaihruaiin hunserh a hmang a, Pu C. Lalrinliana, Supervisor of Schools-in inhmelhriattirna leh report a pe a ni. Synod Moderator Rev. Dr. C. Chawnghmingliana’n thu sawiin School ti thate hnenah lawmman a sem a, Rev. Dr. K. Lallawmzuala, Executive Secretary i/c Education-in thu sawiin mimal ti thate hnenah lawmman a sem bawk. Luangmual Presbyterian English School-ten PES Theme Song an sa a, Nl. H. Lalremruati (Maruati) a zai bawk. Pi Zirkungi Chhakchhuak, Synod Education Board Secretary-in lawmthu sawina hun a hmang a, Upa Dr. Lalthanzauva, Synod Education Board Member-in malsawmnain hun a khar a ni.
Zirlai ti thate chawimawina hunah hian Distinction-a pass mi 73-te hnenah lawmpuina Rs.10,000/- (Singkhat) leh Citation hlan an ni. PES zirlai zinga HSLC result-a Top 3 te tan Special Award siam a ni a, lawmman dawngtute chu :
1. Lalngaihawmi D/o Lalhmingthara, Darlawn PES
2. Lalnunpuii D/o Lalremruatkima (L), Keifang PES
C. Lalhriatchhungi D/o C. Lallianzuala, Republic PES
3. C. Lalawmpuia S/o Jenny Sangmawii, Muallungthu PES
Lalchhanhima S/o K. Lalawmpuia, Luangmual PES
Heng bakah hian School ti tha pathumte hnenah lawmman pek an nih bakah pass kim vek School zawng zawng hnenah Rs. 10,000/- theuh Consolation Prize pek an ni bawk.
Tun dinhmunah Presbyterian English School (PES) hnuaiah hian School 160 an awm mek a, chung zinga school 35 chuan HSLC candidate an nei a. Exam beitu zawng zawng hi zirlai 824 niin 735-in an pass a. Distinction-ah 73, First Div.-ah 273, Second Div.-ah 288, Third Div.-ah 103 an ni a, a pumpui Pass Percentage hi 89.20% a ni.
For more Pics Click Here