Synod Multipurpose Training Centre (SMTC) buatsaih Lay Leaders Training vawi 221-na chu SMTC-ah nizan (July 19, 2023) khan Pathian hnena hlanin hawnna hun hman a ni.
Tun tum training-ah hian Presbytery 9 - Tuichangral South, Tuichangral North, Aizawl Chhim, Aizawl Bethel, Aizawl Central, Hmarthlang, Hmarphei, Chhimtuipui leh Dampa atangin Kohhran Upa 31 an tel thei a ni. Training hawnna inkhawmah hian Rev. Lalrinthara, SMTC Director-in programme a kaihruai a. Rev. P.C. Pachhunga, Synod Finance Officer-in hawnna leh thuchah a sawi a, Nl. Rebec Malsawmmawii, Saron Veng a zai bawk.
Tun tumah hian Rev. Vanlalzuata, Rev. Thangzauva, Rev. K Lalpiangthara, Rev. Lalrinthara leh Upa Lalsawmliana, Synod Finance Manager te’n training hi an neihpui ang.
Kohhran Upate tana Lay Leadership Training hi kum 1996 atang khan neih tan niin tûn hi a vawi 221-na a ni ve ta a, Kohhran Upa training tawh zât chu mi 7798 an tling tawh a ni. Training-ah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zir thin a ni a, Kohhran thlarau lam nun enkawl dan tha te zir ho thin a ni bawk.
Training kharna inkhawm hi July 21, 2023 (Zirtawpni) zanah neih tur a ni a, Synod Moderator Rev. Dr. C. Chawnghmingliana’n trainee-te hnenah Certificate semin thuchah a sawi ang.