Synod Mission Board Media Sub-Committee leh Synfo tangkawpin an buatsaih Hindi Pathian fakna hla intihsiakna ‘Jay Jay Karo’ chu August 1 & 2, 2023 khan Elimination Round, Synfo Studio, Synod Office-ah neih a ni.
Tel tura hming pe 31 atangin mi 28 an tel thei a, an zing atang hian mi 13-in Second Round an lut a ni. Chungte chu:
Nancy Lalhmingmawii , Tuikual South
Baby Lalawmpuii, Phainuam
Lalthapuii Khiangte, Kulikawn West
C. Lianzela, Durtlang Leitan
Samuel Zosangliana, Perimual, Chaltlang
Remruatfela, Serkhan, Lunglei
Fabiana Malsawmtluangi, Lungdai
Lalhruaitluanga, Sairang Dawrveng
Ngursiami, Kulikawn
Lalmalsawma, Thuampui Venglai
Amit Sarkar, Thuampui Venglai
Lalengmawii, Khanpui
Shiela Lepcha, Himali Kohhran, Chanmari
Second Round-a lut te hian August 10, 2023 (Ningani) zan dar 8:00-ah Synfo Studio-ah intihsiakna an nei ang a, August 18, 2023 (Zirtawpni) zan dar 8:00-ah top 5 intihsiakna neih a ni ang a, August 29, 2023 (Thawhlehni) zan dar 8:00-ah final intihsiakna neih a ni ang. Second Round atang hian Hruaina Eng channel-ah live-a pekchhuah a ni ang.
Intihsiakah hian pakhatnain Rs. 70,000/- leh Citation, pahnihnain Rs. 40,000/- leh Citation, pathumnain Rs. 20,000/- leh Citation an dawng ang a, Top 10-a tling ten Consolation prize Rs. 3,000/- leh Certificate an dawng bawk ang.
India ram boruak leh mipui suk thlek lo danglam zelah hmai chhana Pathian thu inhrilh a harsa tual tual a. Chuvangin, rawngbawlna kawngah pawh tihdan thar zawn chhuah a tul hle a. Synod Mission Board Media Sub-Committee chuan rawngbawlna kawnga thil tangkai tak a nih beiseiin Hindi Pathian fakna hla sa thiam dap chhuah tha a ti a. Hemi atan hian mal zai intihsiakna, Jay Jay Karo hi a buatsaih a ni.