Synod Mission Board Media Sub-Committee leh Synfo tangkawpin an buatsaih Hindi Pathian fakna hla intihsiakna 'Jay Jay Karo' chu zanin (August 10) dar 8:00 hian Second Round, Synfo Studio, Synod Office-ah neih a ni dawn. Second Round-ah hian mi 13-in Sound track hmangin an hla duh ber sain intihsiakna an nei ang.
August 18, 2023 (Zirtawpni) zan dar 8:00-ah top 5 intihsiakna neih a ni ang a, August 29, 2023 (Thawhlehni) zan dar 8:00-ah final intihsiakna neih a ni ang. Second Round atang hian Hruaina Eng TV channel-ah live-a pekchhuah a ni ang a, Synod Information youtube channel-ah pek chhuah a ni bawk ang.
Intihsiaknaah hian pakhatnain Rs. 70,000 leh Citation, pahnihnain Rs. 40,000 leh Citation, pathumnain Rs. 20,000 leh Citation an dawng ang a, Consolation prize 2nd round-a tlingten Rs. 3000 leh Certificate an dawng ang a, Top 5-a tlingin Rs. 5,000 leh Certificate an dawng ang.
India ram boruak leh mipui suk thlek lo danglam zelah hmai chhana Pathian Thu inhrilh a harsa tual tual a. Chuvangin, rawngbawlna kawngah pawh tih dan thar zawn chhuah a tul hle a. Synod Mission Board Media Sub-Committee chuan rawngbawlna kawnga thil tangkai tak a nih beiseiin Hindi Pathian fakna hla sa thiam dap chhuah tha a ti a. Hemi atan hian mal zai intihsiakna, Jay Jay Karo hi buatsaih a ni ta a ni.