Nizan (August 23, 2023) khan Presbyterian Bible School (PBS) chuan Batch 55-na pualin Farewell & Dedication Programme, Pi Zaii Hall, Synod Conference Centre-ah an hmang.
Programme hi Rev. Lalrinsanga, Principal-in a kaihruai a, Rev. C. Zorammawia, Senior Executive Secretary-in zir chhuakte hnenah Certificate hlanin thuchah a sawi a, exam-a ti thate hnenah Upa B. Lalhmunliana, Synod Secretary-in lawmman a hlan a, class kal kimte hnenah Rev. Ramngaihawma Khiangte, PBS Zirtirtuin lawmman a hlan a, Pu C. Awithanga Award chu Rev. P.B. Mankima, Synod Secretary (Jr)-in a hlan bawk.
PBS-ah hian a din tirh atangin tun thleng hian zirlai 2627 an awm tawh a, chung zinga 2187 ten tha takin an pass tawh a. Tuna batch 55-naah hian zirlai 38 awmin zirlai 26 ten tha takin an pass a, exam lo 12 an awm.
Exam-a ti tha zual pathumte hnenah lawmman Rs. 1000, Rs. 700, Rs. 500 leh lawmpuina thuziak PBS Committee hminga hlan a ni a, chungte chu:-
1-na - Lalhrangchhuani Sailo d/o Ngursavunga (L), Chaltlang Kohhran
2-na - Lalmuanawmi d/o F. Lalkhawngaiha, Zawlsei Kohhran
3-na - Malsawmzuala s/o Rohlira, Suangpuilawn Kohhran
Batch 55-na zirlai zingah hian class kai kim mi pakhat hnenah lawmman Rs. 500/- hlan a ni.
Kum 2014 atangin Christian Theology Subject leh Kohhran Inrelbawlna leh PCI Constitution Subject-a ti tha berte hnenah Pu C. Awithanga Award hlan thin a ni a. Kumin hian Christian Theology-ah L.H. Shanliana (83%) leh Kohhran Inrelbawlna leh PCI Constitution-ah Lalmuanawmi (95%) ten he Award hi an dawng a ni. Award hian ` 1000/- a keng tel a ni.