August 25-27, 2023 chhung hian Harhna Inkhawmpui (Revival Meet), vawi 9-na chu Tuikual North Kohhran Biak Inah neih a ni dawn a, inkhawmpui thupui 'I ram lo thleng rawh se' tih a ni.
August 25, 2023 (Zirtawpni) zanah inlawmna inkhawm neih a ni ang a, Rev. Dr. C. Chawnghmingliana, Synod Moderator-in thuchah a sawi ang. Inrinni leh Pathianni (Aug. 26&27) ah te vantlang Pathian biak inkhawm a awm ang. Harhna Inkhawmpuiah hian Revival Speaker-ten inkhawmpui thupui an sawi ang a, Pathianni zan inkhawmah Rev. C. Zorammawia, Senior Executive Secretary-in thuchah a sawi ang. Inkhawm banah Lengkhawm neih thin a ni bawk ang.
Harhna Inkhawmpui hi 2012 atang khan Covid hripui len lai tih lohah chuan kum tin neih thin a ni a, Revival Speaker leh Counsellor-te intuaitharna hun atan hman thin a ni. Harhna Inkhawmpuia tel tur hian Synod Revival Committee chuan mi zawng zawng an sawm a ni.
Harhna Inkhawmpui hi Hruaina Eng TV Channel leh Synod Information youtube channel-ah Live-a pek chhuah thin a ni ang.
