JAY JAY KARO ZAWH A NI TA
August 29, 2023 | NEWS
Synod Mission Board Media Sub-Committee buatsaih, Hindi Pathian fakna hla intihsiakna 'Jay Jay Karo' Grand Finale chu zanin (Aug. 29, 2023) zan dar 8:00 khan Synfo Studio, Synod Office-ah neih a ni a, Final-ah hian rimawi telin, an duhzawng hla pahnih, an la sak loh hmangin intihsiakna an nei a ni.
Intihsiakna tan hmain Rev. Zochhuanmawia, Director, Masihi Sangati Kendra-in hunserh a hmang a. Top 5 atangin mi pahnih leh 2022 Praise On-a Pakhatna dawngtu Nl. Malsawmdawngzuali te an zai bawk.
Lawmman dawngtute chu :
Pakhatna - Sheila Lepcha, Himali Kohhran, Chanmari
Pahnihna - C. Lianzela, Durtlang Leitan
Pathumna - Fabiana Malsawmtluangi, Lungdai
Pakhatna hian Rs. 70,000/- leh Citation, pahnihnain Rs. 40,000/- leh Citation, pathumnain Rs. 20,000/- leh Citation an dawng a ni.
Jay Jay Karo hi Nl. P.C Zonuntluangin a host thin a, intihsiakna hi Judge pathum - P.C. Lianhmingthanga, Dr. Jenny Laldingliani leh T. Laldintluanga ten an endik thin a ni a. Hruaina Eng TV leh Synod Information Youtube channel-ah pek chhuah thin a ni bawk.
