RAMTHAR NI 2023
August 30, 2023 | NEWS
Naktuk (Aug. 31, 2023) hi Ramthar Ni a ni a. Synod hnuaia Department hrang hrangte an chawl ang a, mamawhtute tan Synod Hospital Casualty erawh dawr theih reng a ni ang.
Ramthar Ni hi Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a ni a, Mizoram Presbyterian Kohhran tan Ni pawimawh bik a ni. Kum 1972 Mizoram Synod Inkhawmpui chuan Synod Ramthar Board-in, ‘August ni 31, Pu Zosaphluia Mizorama a lo thlen ni hi Synod Ramthar Ni atan hman ni se’, tia a rawtna chu pawmin kum 1973 atang khan August ni 31 chu Ramthar Ni atan hman tan a lo ni ta a ni.
Mizoram Presbyterian Kohhran chuan kumin (2023) Ramthar Ni pual hian tum khat inkhawm atan programme a siam a, thupui inang tlang ‘Hnam tina mi zirtirahte siam ula’ tih chu zir ho a ni ang.
