KRISTIAN HLA BU CHUNGCHANGAH INRAWN KHAWMNA NEI
September 01, 2023 | NEWS
Vawiin (Sept. 1, 2023) chawhma dar 11:00 khan Synod Office Committee Room I-ah Mizoram Presbyterian Kohhran leh Mizoram Baptist Kohhran aiawhte chu Kristian Hla bu ennawn chungchangah an inhmukhawm.
He inrawn khawmnaah hian Mizoram Presbyterian Kohhran lam atangin Synod Worship Executive Committee member 13 leh BCM lam atangin Kristian Hla bu ennawn committee member 13 an tel thei a. Synod Moderator Rev. Dr. C. Chawnghminglianan a kaihruai a ni.
Kristian Hla bua hla awm mek hla 600 atanga belh leh paih turte an thliar bakah Kristian Hla bua chuang thin - Thu chhiar inchhawn te, tawngtaina te, Solfa ziah dan te, hla bua hla chuangte phuahtu a dik thei ang bera dah turin uluk takin an en ho a ni.
Tuna Kristian Hla bu kan hman lai hi kum 2004-a revised niin kum sawmhnih chuang hman a ni tawh a ni.
