Vawiin (Sept. 6, 2023) chawhma dar 10 khan Synod Finance Committee, vawi 146-na chu Synod Office-a J.M Lloyd Hall-ah an thu a, member 43 an kal. Meeting hi Synod Moderator, Rev. Dr. C. Chawnghminglianan a kaihruai a, Rev. V.L. Luaia Hranleh, Finance Officer-in report a pe a ni.
Report-ah hian Synod Finance Committee vawi 145-nain a rel anga Synod Reserved fund leh Mission Reserved fund dah a nih thu te, June 21-28, 2023 chhunga Chartered Accountant-in Synod sum a audit thu te, Synod Finance Committee vawi 144-na thurel bawhzui a nih dan te, Josefa buhzem sum dinhmun chungchang te, Committee leh Committee inkara Bial leh Kohhran hrang hrangah Accounts Training leh Finance Campaign neih a nih thu te leh April-August, 2023 chhunga sum hmuh Pastoral-ah Rs. 73,84,26,203/- leh Mission-ah Rs. 58,45,18,930/-, a vaiin Rs. 1,32,29,45,133/- a ni a, sum hmanna lamah Pastoral-ah Rs. 90,65,41,620/- leh Mission-ah Rs. 59,70,36,921/-, a vaiin Rs. 1,50,35,78,541/- a nih thu te tarlan a ni.