Nizan (Oct. 2, 2023) khan Syndo Studio-ah Naupang Inkhawm puala video tawi insiamsiak result puan leh lawmman sem a ni.
He Video tawi insiamsiakah hian Video theh lut Kohhran 23 an awm a, chu'ng zingah chuan Biate Venglai Kohhran chu pakhatna an ni. Pahnihna chu Salem Veng Kohhran niin, Pathumna chu Chhinga Veng South Kohhran an ni. Heng bakah hian Kohhran panga (5) hnenah consolation prize pek an ni a, chu'ngte chu - Bawngkawn Shalom Kohhran, Bethlehem Vengthlang Kohhran, Chhinga Veng Kohhran, Sateek Kohhran, Serchhip Kawnpui Kohhran-te an ni.
Lawmman pakhatna hian Rs. 10,000/- an dawng a, Pahnihna-in Rs. 6,000/-, Pathumna-in Rs. 4,000/- an dawng a. Consolation Prize-ah hian Rs. 1,000/- theuh pek an ni bawk.
He intihsiakah hian thupui chu 'Nu leh pa thuawih' tih a ni a, a sei zawng chu 4 minutes aia tawi lo, 5 minutes aia sei lo tur a ni. Naupang Pual bakah hian Tleirawl Pual leh Presbyterian English School-te pualin intihsiakna hi buatsaih a ni bawk a. Anni hi chu video theh luh hun a la tawp lo a, kum tawp lamah result puan a ni dawn a ni.