Mizoram Synod hnuaia Inkhawmpui lian ber dawttu Presbytery Inkhawmpui chu October 5 - 8, 2023 chhung hian Presbytery hrang hrangah neih a ni ang. Hetih lai hian harsatna eng emaw avanga a hun taka nei thei lo an awm bawk.
Vawiin (Oct. 5, 2023) hian Nomination Committee te, Finance Committee te leh Sub - Pastoral Committee te an thu ang a, Kohhran Upa thlan tharte Exam buatsaih a ni bawk. Zanah Palai lawmna leh Pastor Bial Report ngaihthlak a ni ang.
October 6 & 7, 2023 (Zirtawpni leh Inrinni) hian Rorel Inkhawm neih a ni ang a, zan lamah vantlang Pathian biak Inkhawm neih a ni ang. October 8, 2023 (Pathianni) chawhmaah Upa Nemngheh Inkhawm, chawhnuah Lalpa Zanriah Sakramen leh Upa thite sunna inkhawm a awm ang a, zanah Presbytery Moderator kalchhuak ten Valedictory Sermon an sawi ang.
Synod Puipaten hetiang hian Presbytery Inkhawmpui an hmanpui ang:
Rev. Dr. C. Chawnghmingliana, Moderator - Tuivawlral Presbytery
Upa B. Lalhmunliana, Synod Secretary (Sr.) - Champhai South Presbytery
Rev. P.B. Mankima, Synod Secretary (Jr.) - Aizawl Central Presbytery
Rev. V.L. Luaia Hranleh, Finance Officer - Tuichangral Presbytery
Rev. P.C. Pachhunga, Finance Officer - Teirei Presbytery
Upa Dr. Lalnunsiama Colney, Statistician - Aizawl Hmarchhak Presbytery
Rev. C. Zorammawia, Senior Executive Secretary - Sakawrhmuituai Presbytery
Rev. Dr. K. Lallawmzuala, Executive Secretary - Lunglei West Presbytery