NEICC PUALA TAWNGTAI RUAL CHUNGCHANG 2023
October 13, 2023 | NEWS
October 15, 2023 (Pathianni) hi NEICC puala tawngtai rual hun tur a lo ni leh ta a. Tualchhung Kohhran tinin tha a tih anga lo hmang mai tura ngen an ni.
NEICC puala tawngtai thupui tur tlangpuite chu:
1. NEICC hnuaia kohhran leh pawl hrang hrang ten rawngbawlna tha tak an neih zel theih nan.
2. NEICCYA leh NEICCWA ten chak zawka rawngbawlna an kalpui zel theih nan.
3. NEICC-a thawktute leh an chhungte tan.
4. NEICC puipate tan.
5. UCC-in hma a sawn zel theih nan.
6. India hmarchhaka remna leh muanna a awm zel theih nan.
7. Kum 2024-a NEICC Biennial Session neih tur tan.
8. Manipur buaina thleng mekah remna a awm theih nan.
North East India Christian Council (NEICC) hi kum 1937 khan Assam Christian Council tiin din a ni a, kum 1962 khan North East India Christian Council (NEICC) tiin a hming hi thlak a ni. NEICC-ah hian kohhran member 37 leh associate member 18, an vaiin 55 an awm a. NEICC hnuaiah hian peng pawimawh tak pahnih - thalai lam rawngbawlna, NEICC Youth assembly (NEICCYA) leh hmeichhe lam rawngbawlna, NEICC Women Assembly (NEICCWA) te an awm a ni.
He Council hi India hmarchhaka kohhran hote inkara inpumkhatna vawng tur te, sawrkar leh kohhran inkara inhriatthiam tawnna a awm theihna tura hma la tura din a ni a. India hmarchhaka kohhran inpumkhatna a awm zel theih nan inrawnkhawmna buatsaih leh harsatna lo chhuak zel te a tul angin a hmachhawn thin a ni.
