Vawiin (Oct. 17, 2023) chawhma dar 10:00 khan Presbyterian Communications Board Meeting vawi 178-na chu J.M. Lloyd Hall, Synod Office-ah neih a ni.
Meeting hi Rev. Dr. C. Chawnghmingliana, Moderator-in a kaihruai a, Prescom Board Secretary, Upa H. Ronghaka, General Manager hnen atangin report ngaihthlak a ni.
Board Secretary Report-ah hian thawktu tihngheh thar mi paruk an awm thu te, Synod Bookroom-in 'Chah Dawr' an kalpui tan thu te, PRESCOM Department en thatna kalpui mek chu SEC-a thlen tura buatsaih mek a nih thu te, Board Meeting leh Meeting inkarah Synod Press-in lehkhabu 74 lai an chhut thu te, Synod Bookroom-in Bookroom Conference leh Distributors Meet an huaihawt bakah Reduction Sale hlawhtling taka an buatsaih chungchang te chu a langsar zual a ni.
Meeting-a thu rel tura chhawp chhuah zinga langsar zual chu, kum 2024-2025 chhunga PRESCOM budget tur sawi ho leh kum 2023 Synod-a PRESCOM Board Report tur en ho a ni.