Vawiin (Oct. 18, 2023) chawhma dar 10:00 khan Mizo Sunday School Union Committee vawi 168-na chu J.M. Lloyd Hall, Synod Office-ah an thu khawm a.
Meeting hi Rev. Dr. C. Chawnghmingliana, Moderator-in a kaihruai a, Executive Secretary, Rev. V.L. Luaia Hranleh hnen atangin report ngaihthlak a ni.
Report-ah hian kum 2024-a Puitling leh Naupang Sunday School zirlai bute chhut zawh a nih thu leh tleirawl zinga ruihhlo leh sex hman sualna chungchang leh an thlarau lam nun hriat theihna tura questionnaire buaipui mek a nih thu te ngaihthlak a ni.
Meeting-ah hian kum 2027-a Puitling Sunday School zirlai tur thlan leh a ziaktu tur ruat te, kum 2025-a Khawvel Sunday Sunday School Ni thupui thlan leh a ziaktu tur ruat te, Naupang Sunday School zirlai lesson plan ennawn chungchang te, MSSU Report Synod-a thlen tur en ho te leh 2024-2025 MSSU Budget ruahmanna te ngaihtuah a ni.