Nimin (Oct. 17, 2023) chawhnu dar 1:00 khan Synod HSS chuan Multipurpose Hall-ah Synod HSS-a Lecturer Pu Joseph Vanlalhruaia Sailo-in National Award for NSS Program Officer (2021-22) a dawn leh Synod HSS-in National Award for Best Unit (2021-22) a dawn chu ropui takin an lawm.
Heng Award-te hi September 29, 2023 khan President of India-in Delhi-ah Pu Joseph Vanlalhruaia Sailo hnenah leh Pi Zirkungi Chhakchhuak, Principal hnenah a hlan a ni.
Award lawmna inkhawm hi Pi Zirkungi chhakchhuak, Principal-in a kaihruai a. He sikula Program Officer tanglai zinga senior ber Dr. Vanlalvanga Ralte-in hunserh hmangin zirtirtu zinga senior ber Pu Lalsiammawia Fanai-in Awardee Pu Joseph Vanlalhruaia Sailo hnenah Staff welfare committee hmingin lawmpuina Rs.10,000/- a hlan a. Hemi hnu hian Awardee Pu Joseph Vanlalhruaia Sailo chuan thu sawiin a puala sikulin program a buatsaih chu phu lo a intih thu leh a lawmzia thu te, Award hi a ma theihna vanga dawng a nih loh thu leh Principal-te inhawn vang te, a PO puite nen team work tha an neih vang te, zirlai leh zirtirtute thawh rah a seng mai a nih thu leh in lama chhungte support-na a dawn that vanga hlawhtling a nih thu te a sawi.
Rev.Dr.K. Lallawmzuala, Executive Secretary i/c Education, Mizoram Synod chuan Synod HSS -in tunhnaiah hlawhtlinna chi hrang hrang a hmuh chungchangah lawmthu sawiin zirlaite fuihna thu tha tak tak a sawi bawk.
Program kar lakah hian zirlai zai thiam tak tak an zai a, Tin, State NSS Officer Pu F.Sangvuana leh Program Officer Pu C.Lalrintluanga ten lawmpuina thu leh NSS nihphungte an sawi bawk. Pu Joseph-a hi nikum lama a class, Cl-12E ten lawmpuina thilpek an hlan bawk.
He program-ah hian award dawnglai video clip projector screen-ah thlirho a ni a, Pu Joseph-a chhungte bakah Synod Education Board member te, Alumni hruaitu te, Mizoram Christian College te, P.C. Girls’ School te sawm an nih angin mi eng emaw zatin an rawn hmanpui a ni.
Vice Principal Pu P.C. Lalrinpuian lawmthu a sawi zawhah an tin a. Thawktu te leh mi sawm bik (invitees) ten award lawmna chawhlui an kilho nghal a ni.