October 19-20, 2023 chhung hian Synod Mission Board Meeting vawi 180-na, J.M. Lloyd Hall, Synod Office-ah an thu.
Meeting hi Moderator, Rev. Dr. C. Chawnghminglianan a kaihruai a, Board Secretary, Rev. R. Lalhmingsanga hnen atangin Report ngaihthlak a ni.
Secretary Report-ah hian May 2-26, 2023 chhunga Missionary Refresher Course Training neih a nih thu te, May 18-21, 2023 chhunga Central Region Missionary Retreat neih a nih thu te, May 26-27, 2023 chhunga Mission Consultation neih a nih thu te, Contract Missionary tang lai mi 45 chu June 1, 2023 atanga dah ngheh an nih thu te, IMA Asscociate General Secretary atan OM-in Rev. Lalvensanga a ruat thu te, Master's College of Theology (Vishakapatnam)-a Principal hna thawk tura OM-in Rev. Joseph H. Lalfakmawia a ruat thu te, June 5-july 31, 2023 chhunga Nurse Refreshers Course Training neih a nih thu te, August 1-29, 2023 chhunga Hindi Fakna Hla Mal zai intihsiakna (Jay Jay Karo) buatsaih a nih thu te chu a langsar zual a ni.
Synod Ramthar Board Meeting-in an thu ngaihtuah zingah hian Contract Missionary-te referral case-a an kal dan chungchang te, Tent making lama hma lak dan tur chungchang te, thawktu lak leh a awm sa hman tangkai dan tur chungchang te, Mizorama rawngbawl tur Kawl Pastor chher chungchang te a tel. Pro. Pastor nemngheh dilna te, Field Worker Pro. Pastor hna dilna te, SMB Pro. Pastor hna dilna te ngaihtuah a ni bawk. Presbytery hrang hrang atanga thu lut zingah MDTC-a Cement mistiri trade dah ve chungchang te, Damparengpui Bial chhungah Pawl 12 thleng zirna School dah ve rawtna te, MDTC hming thlak chungchang te, Assam Mission Field then chungchang te a tel bawk.
For more Pics Click Here