Vawiin (Oct. 25, 2023) chawhma dar 10:00 khan Synod Pastoral Committee chu kum 2022-2024 term-a a tum 5-na atan an thu khawm a, Aizawl chhung atangin 36 leh Aizawl pawn atangin 81, an vaiin member 117 an kal thei a ni.
Synod Moderator, Rev. Dr. C. Chawnghmingliana’n he Meeting hi a kaihruai a, Synod Secretary, Upa B. Lalhmunlianan Report a pe a ni.
Report-ah hian May 23-26, 2023 chhunga Pastors' Retreat neih a nih thu te, Bilkhawthlir Hmar Veng Bial vawng tura Rev. Lallianpara, pensioner ruat a nih thu te, Master's College of Theology, Visakhapatnam-a Principal hna thawk tura Rev. Dr. H. Joseph Lalfakawma ruat a nih thu te, IMA-a Associate General Secretary atana Rev. Lalvensanga ruat a nih thu te ngaihthlak a ni.
Meeting-ah hian thu ngaihtuah tur 13 chhawp chhuah a ni a. Kum 2024-a Pro. Pastor lak tur zat tihchian te, kum 2024 Pastoral Ministry thupui tur thlan te, Bial thar hawn chungchang te bakah Presbytery atanga thu lutte ngaihtuah a ni.
Pastoral Committee hi December 1, 2023-ah Pro. Pastor interview turin an thu khawm leh dawn a ni.
For more Pics Click Here