RESIDENTIAL CHOIR CONDUCTORS’ TRAINING VAWI 27-NA
October 26, 2023 | NEWS
Synod Worship Committee buatsaih Residential Choir Conductors' Training vawi 27-na chu October 24-27, 2023 chhung hian Synod Conference Centre, Pi Zaii Hall-ah neih mek a ni.
October 24, 2023 (Thawhlehni) zan khan training hawnna inkhawm tawi neih a ni a, Upa B. Lalhmunliana, Synod Secretary-in tawngtaiin Pathian hnenah a hlan a ni.
Tun tum Zaipawl Conductors' training-ah hian mi 31 an tel thei a, Kohhran pawl dang UPC (NEI) atangin mi pakhat a tel a ni.
October 27, 2023 (Zirtawpni) zan hian training kharna hun hman a ni ang a, kharna inkhawm hi Rev. Dr. K. Lallawmzuala, Executive Secretary-in a kaihruai ang a, Rev. Dr. C. Chawnghmingliana, Synod Moderator-in training chhuakte hnenah Certificate hlanin thuchah a sawi ang a, hun tawpah Pu H. Lalrinmawia, Senior Music Instructor-in lawmthu a sawi ang.
Synod Worship Committee chuan Zaipawl Conductor Training hi kum 1995 atang khan kum tinin training a buatsaih thin a. Zaipawl Conductor Training-a zir chhuak hi mi 1064 an awm tawh a, kumina trainee mi 31 nen mi 1095 an awm a ni.
