October 28 & 29, 2023 chhung hian Central KTP buatsaih Chhim Bial Meet 2023 chu Lunglei Ramthar Veng Kohhran Biak Inah neih mek a ni.

Zanin (Oct. 28, 2023) Pathian Biak Inkhawmah Rev. H. Lallianzara, Chhim Bial Administrative Secretary-in Pathian thuchah a sawi a, Mizoram Synod Choir, Lunglei Venglai Bial, Tuithumhnar Bial, Bungtlang South Bial leh Zawlpui Bial Zaipawl te an zai bawk. Inkhawm banah Fellowship neih chhunzawm a ni a, Pu C. Hmingthanzauva, CKTP Committee Member hnen atangin thu sawi tawi leh special item hrang hrang hmangin hun hman a ni.

Naktuk (Oct. 29, 2023) Pathianni chawhma inkhawmah Pu L.V. Lalthantluanga, Central KTP Asst. Leader-in Pathian thuchah a sawi ang a, Mizoram Synod Choir, Thenzawl Bial, Chawngte ‘P’ Bial leh Lunglei Bazar Bial Zaipawl te an zai ang. Chawhnu inkhawmah Upa Lalmuanpuia, Central KTP General Secretary-in Pathian thuchah a sawi ang a, Presbyterian Choir, Lunglei, Hnahthial Bial, Zobawk Bial leh Haulawng Bial Zaipawl te an zai ang. Tlai dar 3:00-ah Youth Recreation Centre (YRC) Awareness Campaign hun hman a ni dawn a, Pu Rossi Lallawmawma, CKTP Committee Member -in hun a hmang ang. Zan Pathian biak inkhawmah Rev. Dr. F. Pachhunga, Central KTP Leader-in Pathian thuchah an sawi ang a, Mizoram Synod Choir, Presbyterian Choir, Lunglei, BCM Choir, Lunglei, Lunglei Chanmari Bial, Thenzawl Bial leh Lawngtlai Bial Zaipawl te an zai ang.

Inkhawm banah hian Fellowship neih leh tur a ni a, Rev. Lalchhandama, Lunglei Chanmari Bialtu Pastor hnen atangin thu sawi tawi leh special item hrang hrang hmangin hun hman a ni ang.

Chhim Bial Meet Programme hi Hruaina Eng TV channel leh Central KTP Youtube channel-ah LIVE a pek chhuah a ni.

KTP Chhim Bial Meet 2023 Programme