Vawiin (Oct. 31, 2023) chawhma dar 10:00 khan Synod Social Front Committee vawi 197-na chu J.M. Lloyd Hall, Synod Office-ah an thu khawm.
Synod Moderator, Rev. Dr. C. Chawnghminglianan meeting hi a kaihruai a, Rev. V.L. Luaia Hranleh, Executive Secretary-in report a pe.
Report-ah hian May 15-June 14, 2023 chhunga Cement Mistiri Training buatsaih a nih thu te, 2022 Synod Inkhawmpuiin Corruption do chungchang a rel bawhzuia Corruption that lohzia Kaihhruaina Booklet chu Kohhran tina thawn a nih tawh thu te, TV kal tlanga political education campaign neih mek a nih thu te, Mizorama ral tlante chhawmdawlna kawngaah Evangelical Fellowship of India Commission on Relief (EFICOR) nen thawh ho a nih thu te ngaihthlak a ni.
Meeting-a rel tura chhawp chhuah zingah Land Reform leh Land Ceiling chungchanga hma lak zui dan tur te, HIV/AIDS Zaipawl din chungchang te a tel a. Kum 2024-25 Social Front Budget leh Rescue Home Budget tur pawh ngaihtuah a ni bawk.
For more Pics Click Here