College of Nursing, Synod Hospital, Durtlang chuan November 2, 2023 (Ningani) chawhnu dar 1:00 khan Oath Taking vawi 50-na, Lamp Lighting Ceremony leh Graduation Day vawi 19-na, Multipurpose Hall, College of Nursing, Synod Hospital-ah an hmang a, Synod Moderator Rev. Dr. C. Chawnghmingliana chu Khuallian a ni.
Dr. Lalthakima, Director-in inlawmna thu a sawi a, Miss Lalrawnliani, Vice Principal-in Bible chhiar leh tawngtaiin hunserh a hmang. Pi C. Lalrintluangi, Principal-in report a pe a, Pi Lalbiaksangi, Jt. Director, Nursing (Rtd.)-in Oath taking leh Lamp lighting hun a hmang a, Graduate tharte hnenah Certificate a sem bawk. Zirlai ti thate hnenah Moderator Rev. Dr. C. Chawnghminglianan lawmman a sem a, thu a sawi nghal a. Rev. V.L. Luaia Hranleh, Executive Secretary-in Graduate tharte leh Zirlai tharte tawngtaisakna hun a hmang a, Award hrang hrang paruk sem a ni bawk. Hun tawpah Upa Lalrinmuana, Coordinator, Synod Hospital-in lawmthu a sawi a ni.
Synod Hospital-ah hian Nurse zirna hi kum 1928-ah Hospital din anih atangin Nursing School hi din ve nghal a ni a. Nurse zir hmasa ber chu Nl. Khuangi, kum 16 mi a ni. Nursing School hi kum 1944-ah Indian Nursing Council-in Nurse puitling zirna turin Recognition a pek a, June 20, 2019 khan Nursing School chu College-ah hlankai niin College of Nursing, Synod Hospital, Durtlang tih a lo ni ta ni.
College of Nursing, Synod Hospital-ah hian tun dinhmunah zirlai 120 leh thawktu 30 an awm mek a ni.
For more Pics Click Here