Vawiin (Nov. 17, 2022) chawhnu dar 1:30 khan Aizawl Theological College (ATC) chuan College Day vawi 58-na an hmang a, Upa Prof. Lalnundanga, Registrar, Mizoram University chu speaker a ni.

He programme hi Rev. Dr. C. Chawnghmingliana, Synod Moderator-in a kaihruai a, Rev. Prof. Tlanghmingthanga, ATC Principal-in inlawmna thu a sawi. Rev. C. Zorammawia, Senior Executive Secretary, Mizoram Synod leh Upa B. Lalhmunliana, Synod Secretary (Sr) te'n Zirlai ti \ha bikte hnenah lawmman hrang hrang an hlan bawk.

Speaker “Education from Christian Perspective” tih thupui hmangin thu a sawi a. Tunlai khawvel inthlak danglam leh, a bikin New Education Policy avanga Kristiante tana chona nasa tak inchhawp leh mawhphurna te a sawi a ni.

ATC Male Voice, ATC Female Voice leh ATC Choir te an zai a, Rev. Prof. L.H. Rawsea, Dean of Graduate Studies-in lawmthu a sawi a ni.

ATC hi kum 1907-ah Zosap Rev. D.E. Jones (Zosaphluia) hova din a ni a, tunah hian Pathian thu zirna regular course pathum te BD, MTh, leh DTh ah zirlai 204 an awm mek a, heng bakah hian Senate of Serampore College hnuaia pawn lam atanga zirna Lay Theological Degree hrang hrang BCS, DCS leh DCPC te hawn a ni bawk.

For more Pics Click Here