November 27, 2023 (Thawhtanni) khan Pi Zaii Hall, Synod Conference Centre-ah Synod Campus Ministry chuan Presbyterian English School zirtirtute pualin Symposium a buatsaih a. Symposium thupui, "Tleirawlte Kaihhruaina kawnga inzirtirna" tih chu chawhma leh chawhnu hunah te an zir ho a ni.
Symposium hi Rev. H. L. Thianghlima, Campus Ministry Director-in a kaihruai a, Rev. Dr. K. Lallawmzuala, Executive Secretary-in Symposium hi hawnga thu a sawi zui hnuin chawhma lam thupui 'Tleirawl tha - Kohhran leh ram tan' tih chu T. Upa Lalthlamuana Ralte, Resource Person-in a sawi a. Chawhnu lamah thupui, 'Tleirawlte leh ruihhlo' tih chu T. Upa K. Lalengzama, Resource Person-in a sawi ve thung a ni.
Symposium-a tel tur hian PES 24 atangin zirtirtu pahnih theuh sawm an ni a. School 21 atangin mi 42 an tel thei a, a buaipuitute nen mi 49-in Symposium hlawk tak an hmang a ni.
For more Pics Click Here